ന്യൂഡൽഹി: പ്രമുഖ ഓൺലൈൻ വ്യാപാര കമ്പനിയായ ആമസോൺ ഇന്ത്യയിൽ തങ്ങളുടെ റീട്ടെയ്ൽ സ്റ്റോറുകൾ തുറക്കാൻ പദ്ധതിയിടുന്നു . ആഹാര പദാർത്ഥങ്ങളായിരിക്കും ആമസോണിന്റെ റീട്ടെയ്ൽ സ്റ്റോറുകളിലൂടെ ഉപഭോക്താക്കൾക്ക് ലഭ്യമാകുക. പ്രാദേശികമായി ഉൽപാദിപ്പിക്കുന്ന ഭക്ഷണങ്ങളായിരിക്കും ഈ സ്റ്റോറുകളിലൂടെ വിൽക്കുക.
ഇതിനായി കമ്പനി കേന്ദ്ര സർക്കാരിന്റെ അനുമതി തേടിയിട്ടുണ്ട്. അമേരിക്കയിലാണ് കമ്പനി ആദ്യമായി തങ്ങളുടെ റീട്ടെയ്ൽ ബുക്ക് സ്റ്റോറുകൾ ആരംഭിച്ചത്.
ഇന്ത്യയിൽ ഈ പദ്ധതി പ്രാവർത്തികമാകുന്നതോടെ യുണൈറ്റഡ് സ്റ്റേറ്റ്സിന് ശേഷം ആമസോണിന്റെ റീട്ടെയ്ൽ സ്റ്റോറുകൾ നടപ്പാക്കുന്ന രണ്ടാമത്ത രാജ്യമാകും ഇന്ത്യ. നിലവിൽ കമ്പനിക്ക് അമേരിക്കയിൽ എട്ട് റീട്ടെയ്ൽ ബുക്ക് സ്റ്റോറുകൾ ഉണ്ട് . അധികം താമസിക്കാതെ തന്നെ ഒൻപതാമത്തെ ബുക്ക് സ്റ്റോറുകൾ പ്രവർത്തനമാരംഭിക്കും.
Post your comments